متى الوقت المناسب لكِ للجلوس على الكمبيوتر

السلام عليكم ورحمة الله وبركاتة

اخواتي العزيزات عندي موضوع للنقاش وهو عدة اسئله كل وحده تجاوب عليها

1_اي الاوقات انسب لك للقضاء وقت اطول على النت؟

2_هل تقضين وقت على النت وزوجش موجود؟؟

3_كيف ننصرفين مع اطفالش اذا كنتين على النت؟؟

4_هل تتجاهلين امور منزلك وتبداين بقضاء وقت بسيط على النت ثم تباشرين العمل؟؟

5_لوكنتين في الشغل ويوجد عندك جهاز نت بس ممنوع تستخدمينة للمسنجر والمنتديات شنو تسوين؟؟

6_اذا رحتين بيت اهلش سواء بيت الاب او اهل الزوج وشفتين الجهاز مفتوح تقعدين عليه وتتركين الاخرين وله؟؟

7_اكثر الاقسام الي تحبين تشاركين فيها سواء في اي منتدى اخر؟؟

8_لو انقطع عنش النت ويش بكون شعورش

1_اي الاوقات انسب لك للقضاء وقت اطول على النت؟
بالنسبة لي الظهر وبعض الاحيان الليل
2_هل تقضين وقت على النت وزوجش موجود؟؟
بعض الاحيان لمن اكون اتابع فلم ولايدري بروحة لانه زوجي من عشاق الافلام الاجنبيه الاكشن
3_كيف ننصرفين مع اطفالش اذا كنتين على النت؟؟
بنتي الله يحفظها ماتطلع حجايجها الالمن تشوفني على النت العب اياها اشوي وهدهااا
4_هل تتجاهلين امور منزلك وتبداين بقضاء وقت بسيط على النت ثم تباشرين العمل؟؟
لااا اول اخلص اشغالي بعدين اقعد على النت بس مره سويتهاا ومارتحت من السالفة ههههه
5_لوكنتين في الشغل ويوجد عندك جهاز نت بس ممنوع تستخدمينة للمسنجر والمنتديات شنو تسوين؟؟
مااشتغل ربة بيت
6_اذا رحتين بيت اهلش سواء بيت الاب او اهل الزوج وشفتين الجهاز مفتوح تقعدين عليه وتتركين الاخرين وله؟؟

لاااااا ماالمس جهاز بيت ابويي
اكتفي بالي عندي
7_اكثر الاقسام الي تحبين تشاركين فيها سواء في اي منتدى اخر؟؟
احب قسم عالم الطبخ بس ماانفذ خخخ
8_لو انقطع عنش النت ويش بكون شعورش
اضايق خصوصا لين كنت فاضية وبسب بتلكووو

انتظر اجوبة الباقي

1_اي الاوقات انسب لك للقضاء وقت اطول على النت؟
هالايام مأساة الوقت .. عالجرح هالموضوع.. ماعندي وقت اقعد عالنت بسبب ولدي والاشغال والجامعة فحاليا ما اقعد الا ااذا ولدي عند امي او ابوه برى الشقة او نايم نص الليل لاني من اقعد بيجي يعفس عاللابتوب
2_هل تقضين وقت على النت وزوجش موجود؟؟
لا مستحييل.. بس يرجع يفتح باب الشقة اقعد اكمل الي اسويه واسكر كل شي واقوم.. لازم الوقت الي يكون هو موجود معاي يكون وقتي له بعد
3_كيف ننصرفين مع اطفالش اذا كنتين على النت؟؟
حاليا ولدي صغير مايفهم غير انه يجي يعفس.. فالتصرف الوحيد اني اسكر اللابتوب واقوم له
4_هل تتجاهلين امور منزلك وتبداين بقضاء وقت بسيط على النت ثم تباشرين العمل؟؟
احيانا اذا متمللة .. نفس الحين جايه اخذ بريك وبقوم اكمل اشغالي :)
5_لوكنتين في الشغل ويوجد عندك جهاز نت بس ممنوع تستخدمينة للمسنجر والمنتديات شنو تسوين؟؟
ممم مادري حاليا ماشتغل مادري شبيصير بعدين عناد لو نسمع الكلام
6_اذا رحتين بيت اهلش سواء بيت الاب او اهل الزوج وشفتين الجهاز مفتوح تقعدين عليه وتتركين الاخرين وله؟؟
لا ما افكر افتح النت الا قليلا في بيت اهلي وعلى لابتوبي اما جهاز غير بس للحاجه الضرورية مثلا بس بيت عمي مستحييل المس جهاز احد
7_اكثر الاقسام الي تحبين تشاركين فيها سواء في اي منتدى اخر؟؟
المنتديات العامة احب اقسام النساء والاسره طبعا والاشغال اليدوية والابتكارات او شي جذي
8_لو انقطع عنش النت ويش بكون شعورش
شعور كلششششش كريه.. احب حتى لو مابقعد عالنت لازم يكون شغال عشان لو احتجته او تمللت


شكرا عالموضوع
فضفضنا شوي

تسلمووون لي على التواصل
والله افرأ ردودكم واني فرحاانة وكاني قارية قصة